YouTube və Android Messaages-dən sonra Dark Mode rejimi dünyanın ən məşhur messencerinə də gəlməyə hazırlaşır. Bu rejim sayəsində istifadəçi gecə vaxtlarında öz gözlərini parlaq işıqdan qoruya biləcək. Bundan əlavə olaraq bir çox istifadəçilər bu və digər servisin məhz Dark Mode rejimini sevirlər. Whatsapp-da bu rejimin gələcəyi barəsində xəbəri WABetaInfo saytı verib. Qeyd etmək lazımdır ki, bu sayt məşhur messencerə gələcək yeni funksiyalar barəsində dəqiq məlumatı verən nüfuzlu mənbədir. Dark Mode rejimi messencerin həm iOS həmdə Android versiyasında aktivləşdiriləcək. Təəssüflər olsun ki, messencerə Dark Mode rejiminin nə zaman gələcəyi barəsində dəqiq bir məlumat yoxdur.