Razer Phone 2 gamer smartfonu təqdim olundu



    Gamerlər üçün oyun cihazları və aksessuarları istehsal edən Razer şirkəti özünün Razer Phone 2 gamer smartfonunu təqdim etdi. Yeni model smartfon 120 GHz tezlikli ekran, flaqman özəlliklərə və yüksək qiymət göstəricisinə sahibdir. Razer Phone 2 aqressiv xarici görünüşə sahibdir. Belə ki, smartfonun öz ölçüsü böyük, bucaqları isə düzdür. Bununla yanaşı smartfonun arxa panelində qaranlıqda işıq saçan Razer loqosu var. Loqonun rəngini ayarlar vasitəsilə dəyişmək olar. Bundan əlavə olaraq həmin loqo bildirişlər indekatoru kimi fəaliyyət göstərir. Smartfonun korpusu şüşədən, çərçivələri isə metaldan hazırlanıb. Korpusun özü IP67 ststandartı üzrə sudan və tozdan qorunma özəllliyinə sahibdir.


    Müasir smartfonlarla müqayisədə Razer Phone 2 çox qalın çərçivələrə sahibdir. Lakin bunun əsas səbəbi ondan ibarətdir ki, smartfon güclü stereo səsgüclədnriciləri və Dolby Atmos dəstəyini özündə birləşdirir. Razer Phone 2 QHD keyfiyyətli 5.7 inç LCD ekranla təchiz olunub və ekranın özü Gorilla Glass 5 qoruyucu şüşəsi ilə əhatə olunub. Maraqlısı ondadır ki, ekranın korpusa nisbəti standart olaraq 16:9 olaraq qalıb. Yeni smartfondakı ekran əvvəlki modeldən fərqli olaraq 50% daha parlaq olub. Əsas texniki göstəricilərə gəldikdə isə Razer Phone 2 Snapdragon 845 prosessoru, 8 GB RAM, 64 GB daxili yaddaş (microSD dəstəkli) və QuickCharge 4.0+ sürətli enerji yığma özəllikli 4000 mAh enerji tutumlu batareya ilə təchiz olunub.


    Bununla yanaşı smartfon həmdə naqilsiz şarj texnologiyasını dəstəkləyir. Birinci Razer Phone-da olmuş kameralar özlərini heç də yaxşı tərəfdən göstərməmişdilər. Lakin yeni smartfonda kameralar təkmilləşdirilib. Belə ki, Razer Phone 2 optik stablizasiya özəlliyinə sahib f/1.75 diafraqmalı 12 MP-lik ikili arxa kamera ilə təchiz olunub. İkinci kamera modulu isə teleobyektivdir. Smartfon həmçinin 8 MP-lik ön kameraya da sahibdir. Razer Phone 2 Android 8.1 Oreo əməliyyat sistemi vasitəsilə çalışır, Razer Phone 2 800$ qiymətində satılacaq. Smartfonun ön sifarişlərinə artıq start verilib. Onun satışa çıxma tarixi barəsində isə heç bir məlumat verilməyib

Proqramlar, son yeniliklər telegramda
Detallı məlumat

Biz sosial şəbəkələrdə
Sayğaclar