Apple şirkəti öz rəsmi saytında Data & Privacy bölməsini işə salıb. Həmin bölmədə bütün Apple istifadəçilərinin məlumatları yerləşir. Sözügedən bölmədə bütün alış-verişlər, tətbiqlərdən istifadə hekayəsi, təqvim, iCloud-da, Apple Music-də saxlanan foto və sənədlər, Game Center statistikası, marketinq hekayəsi və həmçinin AppleCare servisinin hekayəsi məlumatları bir araya toplanıb.

“Bundan sonra Apple məhsulları konfidensiallıq barədə yeni məlumatları özlərində saxlayır. Bunun sayəsində siz biləcəksiniz ki, Apple sizin məlumatlarınızı necə istifadə edir” – deyə şirkət bildirib.

    Apple ID hesablarına sahib istifadəçilər nəinki öz məlumatlarını tapa həmdə onları readəktə edə, həmişəlik və ya müəyyən vaxtlıq silə və yükləyə bilərlər. Məlumatları yükləmək üçün sayt vasitəsilə sorğu göndərmək lazım olacaq. Sorğunun göndərilməsindən müəyyən müddət sonra isə istifadəçinin elektron poçt ünvanına yükləmə linki göndəriləcək. Həmin link 2 həftədən sonra deaktiv olunacaq. İstifadəçi istədiyi məlumatı ona rahat formatda yükləyə biləcək. Bununla yanaşı Apple ID hesabını deaktiv etmək də olar. Lakin bundan sonra istifadəçi istənilən Apple servisindən istifadə edə bilməyəcək.

    Əgər istifadəçi fikrindən daşınsa öz hesabını geri qaytara bilər. Lakin hesabı tamamilə siləndən sonra onu bərpa etmək mümkün olmayacaq. Bu üsul ilə Apple şirkəti Avropa Birliyinin 25 May tarixindən qüvvəyə minmiş GDPR (General Data Privacy Regulations) qanununa əməl edir. Hal hazırda Apple şirkətinin saytındakı Data & Privacy bölməsi vasitəsilə məlumatların yüklənməsi yalnız Avropa Birliyi çərçivəsində, İslandiyada, Lixtenşteyndə, Norveçdə və İsveçrədə aktivdir. Lakin məlumatların redaktə, deaktiv olunması və ya həmişəlik silinməsi barəsindəki sorğunu istənilən istifadəçi göndərə bilər.