Samsung şirkətinin mobil şöbəsi üzrə direktoru DJ Koh bildirib ki, şirkətin ilk əyilə bilən smartfon modeli artıq bu ilin Noyabr ayında San Fransiskoda keçiriləcək tədbirdə təqdim oluna bilər. O qeyd edib ki, smartfon üzərində hələ də iş gedir. Bununla belə DJ Koh smartfonun necə adlanacağı (Galaxy X və ya Galaxy F), barəsində heç bir məlumat verməyib. Lakin bununla yanaşı o bildirib ki, şirkət, smartfonun əyilə bilən formada planşetə bənzəməməsi üçün əlindən gələni edir. Bundan əlavə olaraq DJ Koh qeyd edib ki, şirkət bu cür smartfon formatına səbəbsiz keçməyib. Belə ki, şirkətin apardığı sorğularda nəticə etibarilə məlum olub ki, alıcılar növbəti smartfon modellərinin məhz bu cür formata keçid etmələrini istəyirlər. Nəticədə şirkət bu  cür smartfon formatına keçməyi qərarlaşdırıb.