Məşhur Instagram fotoservisi rəsmi olaraq elan edib ki, bundan sonra istifadəçilər öz dostlarından hansılarının online olub-olmadıqlarını görə biləcəklər. Bu yeni funksiya Facebook Messenger-dəki kimi çalışır. Belə ki, sizin Direct-də ünsiyyətdə olduğunuz şəxsin fotosunun altında yaşıl dairəvi işarə əks olunacaq. Əgər siz hansısa səbəbdən sizin dostlarınızın sizin online olub-olmadığınızı görmələrini istəmirsinizsə, bunu istədiyiniz zaman ayarlar vasitəsilə deaktiv edə bilərsiniz. Sözügedən yeni funksiya artıq bütün Instagram istifadəçiləri üçün aktiv edilib.