Görünür, Samsung şirkəti son zamanlarda smartfonlarda artıq hamını qıcıqlandıran ekran üzərində çıxıntı hissəsini əvəz etməyin yolunu tapıb. Belə ki, Samsung şirkəti barmaq izi skanı texnologiyasının ekrana inteqrasiya olunduğu kimi ön kameranı da ekrana inteqrasiya edəcək. Məlumata əsasən kamera aktiv olmayan zaman istifadəçi gözü ilə görünməyəcək və onun üzərində standart olaraq ekranda təsvir əks olunacaq. Şirkət artıq ekrana inteqrasiya olunmuş ön kameralı smartfonların prototiplərinə sahibdir

    Lakin bu cür smartfonları yaxın zamanda gözləmək lazım deyil. Belə ki, bu cür məhsul hələki tam olaraq ideal vəziyyətə gətirilməyib. Çox güman ki, bu cür texnologiyalı smartfonlar 2020-ci ildən tez çıxmayacaqlar və ola bilər ki, onlar Galaxy S11 və Galaxy S12 modelləri olacaqlar. Bundan əlavə olaraq məlum olub  ki, Samsung şirkəti ekrana inteqrasiya olunmuş ön kameralı smartfondan başqa həmdə özünün gamer smartfonu üzərində də çalışır. Şirkətin özünün gamer smartfonu hazırladığı barəsində məlumatlar hələ bir neçə ay bundan öncə ortaya çıxmışdı.

    Lakin Twitter-də insayderlər tərəfindən paylaşılmış sonuncu məlumatlar bu şayiələri təsdiqləyir. Təəssüflər olsun ki, Samsung-un gamer smartfon modelinin necə adlanacağı barəsində heç bir məlumat yoxdur. Lakin əvvəlki məlumatlarda qeyd olunurdu ki, sözügedən smartfon modeli Galaxy A seriyasına aid olacaq və Snapdragon 845 prosessoru, 8 GB RAM, 128 GB daxili yaddaş, 4000 mAh enerji tutumlu batareya və xüsusi soyuducu sistem ilə təchiz olunacaq. Xarici görünüşcə smartfon Galaxy A7 və Galaxy A9 modellərinə bənzəyə bilər. Smartfon həmçinin Infinity Display ekrana və şüşədən hazırlanmış gövdəyə sahib ola bilər.