Bolero layihəsi

"Bolero" layihəsi - elmi-fantastik povest
Müəllif: Fərhad MƏMMƏDOV
Dil: AzE və EnG

BMT-nin Ümumdünya İşsizlərinin Mübadiləsi Təşkilatında Bolero layihəsinə imza atdıqdan sonra Bakılı bomj Maliki işləməyə ABŞ-a Nyu Cersiyə göndərirlər. Kiçik baqqalçı dükanında satıcı kimi işləməyə. Lakin elə o vaxtdan etibarən onun başına qəribə və qeyri-real hadisələr gəlməyə başlayır. İnsanlar onun həyatını xilas etmək üçün öz canlarını qurban verirlər, otaq yoldaşı türk Tuncayın dediyinə görə Malik hər gün saat onbirdən sonra hamama girir və səhərə dək özü də bilmədən orada qalır. Malik sonradan məlum olur ki, onun "yaddaş paketi" əslində birləşmiş qüvvələrin hazırladığı süni formulasiyadır. Əsl adı Əhməd Tağızadədir, evli, BMT-nin İCtimai İNformasiya DEpartamentinin rezident-əlaqələndiricisinin müavini və 3 ay əvvəl yadplanetlilər tərəfindən qaçırılıb. Olerob planetində beynin 98.2 faiz işə salınması ilə üç super güc əldə edib...Özü də bilmədən, kainatda gedən gizli müharibəyə cəlb olunub.