Görünür, şirkət Windows 10-nun tətbiqinin genişləndirilməsini ARM cihazlarda planlaşdırır. Beləliklə Microsoft və Qualcomm şirkətləri arasındakı əməkdaşlıq müqaviləsi Snapdragon 850 prosessorunun istifadə ediləcəyi Surface Phone layihəsi çərçivəsində bağlanacaq. Həmin cihazı isə Dell şirkəti istehsal edəcək. Məlumata əsasən Microsoft şirkətinin gözlənilən və mifik smartfonu bu ilin sonunadək satışa çıxacaq.

    Daha əvvəlki şayiələrə əsasən Surface Phone Windows Andromeda əməliyyat sistemi əsasında çalışacaq və 3 ekranla təchiz olunacaq. Ekranlardan biri standart, ikincisi modullu olacaq, üçüncüsü isə smartfonun çöl hissəsində yerləşəcək. Beliklə istifadəçi həmin üçüncü ekrandan cihazın qatlanmış formasında da istifadə edə biləcək. Çox güman ki, Surface Phone Snapdragon 850 prosessoru əsasında çalışacaq. Yeni məlumatlara əsasən Windows 10-un yeni versiyası HP, Lenovo və ASUS şirkətlrəinin yeni ARM cihazlarında bu ilin sonunda istifadəyə veriləcək.