Nokia 8.1 barəsində ilkin məlumatlar ortaya çıxdı



    Məşhur Geekbench bençmark saytının məlumatlar bazasında Nokia 8.1 smartfon modeli barəsində məlumatlar ortaya çıxıb. Qeyd etmək lazımdır ki, Nokia 8 keçən il satışa çıxmışdı və Nokia brendinin ilk flaqman modeli idi. Lakin yeni Nokia 8.1 modeli flaqman smartfon olmayacaq. Geekbench məlumatlarına əsasən Nokia 8.1 smartfonu Snapdragon 710 prosessoru və 4 GB RAM ilə təchiz olunacaq. Qeyd etmək lazımdır ki, bu prosessor həmçinin bir neçə müddət bundan öncə təqdim olunmuş Nokia X7 modelində də var. Heç istisna deyil ki, Nokia 8.1 modeli Nokia X7-nin beynəlxalq versiyası ola bilər. Maraqlısı ondadır ki, Noki 8.1 smartfonu Android 9.0 Pie əməliyyat sistemi vasitəsilə çalışır. Çox güman ki, Nokai 8.1 HMD Global şirkətinin Adroid 9.0 Pie əməliyyat sistemli ilk smartfon modeli olacaq. Onu da qeyd etmək lazımdır ki, Geekbench-in birnüvəli testində smartfon 1841 xal, çoxnüvəli testində isə 5807 xal toplayıb.



Proqramlar, son yeniliklər telegramda
Detallı məlumat

Biz sosial şəbəkələrdə
Sayğaclar